माझी भटकंती: 2013

Monday, 30 September 2013

नाणेघाट

पूर्वीच्या काळी हा रस्ता जुन्नर जवळून कल्याण मध्ये लवकर पोहोचण्यासाठी वापरला जायचा. या रस्त्यामुळे घाटावरील लोकांना खाली कोकणात येण सोप झाल आणि प्रवासाचा वेळ देखील वाचायचा त्यामुळे दळण वळण सोयीस्कर होऊ लागल होत. नाणेघाट नावामागे काय उद्देश असावा, अस विचार करण्या सारखं काहीच नाही अगदी सोपा अर्थ आहे आताचे टोलनाके. ज्यांना कुणाला घाटावरून कोकणात ( जास्तकरून कल्याणात) व कोकणातून घाटावर जाऊन व्यवसाय करायचा असेल आणि ज्यांना हा रस्ता काहींना काही कारणासाठी वापरावयाचा असेल त्यांनी तेवाच्या राजे लोकांना या जागेतून जाण्यासाठी ( चांदीची ) नाणी द्यायची. नाणी जमा करण्यासाठी खूप मोठे दगडी रांजण तयार केलेलं आहेत आणि आजही ते सुस्थितीत आहेत. नाणेघाटात छानस गणपती मंदिर आहे, राहायला गुहा सुद्धा आहेत. बरेच ट्रेकर्स मित्र रात्रीचे राहायला येतात.
नाणेघाटाच्या जवळपास जीवधन, चावंड, हडसर, शिवनेरी, लेण्याद्री व ओझर ( अष्टविनायक गणपती ) अशी बरीच प्रसिद्ध ठिकाणे पाहण्यासाठी आहेत.

नाणेघाट ला जाणारा गुंफा मार्ग दर्शविणारा प्रवेशद्वार

पायथ्यापासून दिसणारा नानाचा अंगठा

दगडी रांजण - यामध्ये चांदीची नाणी किंवा तेव्हा वापरात असणारी नाणी ठेवत असत.

नाणेघाट माथा

शर्वरी आणि मी …

खेकडा

श्री गणपती बाप्पा गुहा मंदिर - नाणेघाट माथा

नाणेघाट माथा

Tuesday, 24 September 2013

कोथळीगड किंवा पेठचा किल्ला

कोथळीगड किंवा पेठचा किल्ला

सकाळी सातच्या वेळेस ( कल्याण ) गाडी घेऊन निघालो आणि शशांकला थेट शिळफाटा येथे भेटलो. पुढे सरळ पनवेल गाठला आणि पुण्याला जाणारा रस्ता पकडला, तिथून पुढे चौक फाट्यावरून कर्जतला जाणारा रस्ता पकडला. कर्जत मुरबाड रोड वर ३० ते ३५ किलो मिटर असलेला सुंदर किल्ला. याच रस्त्यावर कडाव गावचा प्रसिद्ध बाळगणेश मंदिर आहे, तिथे दर्शन घेऊन सरळ पुढे जायचं आणि किल्ल्याच्या पायथ्याशी आंबिवली गावात पोहोचायचं. इथून खरी ट्रेक सुरु होते, अडीच तीन तासाच्या
पायपिटी नंतर आपण पोहोचतो पेठ वाडीत / कोथळीगड वाडीत. इथून पुढचा रस्ता थोडा चढण असलेला आहे, पूर्ण किल्ला फिरून खाली परतायला दोन तास लागतील इतका छोटा किल्ला आहे.
किल्ल्यावरून भीमाशंकर रेंज, पदरगड दिसतो. गावात आदीच जेवणाची व्यवस्था करायला सांगावी जेणेकरून फिरून आल्यावर भूक लागली कि जेवणावर ताव मारता येईल. मग पोटभर खायचं आणि निघायचं घरला.